Ikasleen-berriak

Urriaren 11n, DCko 4.mailako ikasleak ONCEra joan ziren, elkarteak berak dituen zerbitzuak ezagutzeko eta pertsona itsuek edo ikusmen urrikoek dituzten arazoez sentsibilizatzeko.    

Aste honetan ZI gelako ikasleak hartubolean jolastera gerturatu gara Hernaniko kiroldegira. Ederki pasa dugu!! Mila esker Hernaniko Hartubol Taldeari.  

Europako Mugikortasun astea ospatzeko, Hernaniko Udalak eta Mendiriz Mendi elkarteak antolatuta, Hernaniko institutuko 4.DBHko ikasleekin mendi irteera egin genuen.  

Urriaren 2,3 eta 4an DBH 1eko  ikasleak Arantzan eta Lekarotzen egon ziren. Hainbat irteera eta jarduera burutu zituzten eta argazki hauen bidez islatu nahi izan dute.

Aste honetan batxilergoko Geografiako ikasleak Santa Barbarako inguru karstikoan ibili gara gelan ikasitakoa sendotzeko asmoz. Kareharrizko erliebea eta, zehazki, dolinak eta lapiazak ikustera joan gara, lan txostena osatzeko eta, bide batez, naturaz gozatzeko.

Hernani BHIko Instagram eta X kontuak erabilgarri daude. Animatu eta jarrai gaitzazu!

Hernani BHIk Heziketa Digitalarekin bat egiten duen heinean, astebururako zuen seme-alabekin ikusteko gomendio bat doakizue: ETB2k astelehenean eskaini zuen nerabeengan sakelako telefonoen eta sare sozialen abusuak eragiten dituen ondorioei buruzko lau gertakariko serie dokumentalaren bigarren kapitulua. Animatu eta egin klik!

Iazko 2. Batxilergoko ARTEko ikasleak Donostiako Zinemaldian atzo estreinatu zen Ciento Volando dokumentalera gonbidatuak izan dira. Esperientzia polita izan da beraiekin berriro elkartzea. Eskerrik asko!  

Ikasturteko lehen egunetan, DBH1eko ikasleek elkar ezagutzeko kohesio jardueretan parte hartu dute. Horien artean, Oronan, hainbat jolas kooperatibo egin dituzte.

Aurten ere, Urruzuno literatur lehiaketa ospatu dute eta gure ikastetxeko ikasle batek saria lortu du. Jasone Osoro idazle eta kazetariak gidatuta, Lakuako egoitzan egindako ekitaldian, hogei bat neska-mutilek jaso dituzte sariak —ekitaldira sarituen senideak eta ikastetxeen ordezkariak ere bertaratu dira—. Gure ikasle Malen Urkizuk B prosa ataleko saria eskuratu du, Artasoroa izeneko idazlanarekin. Zorionak, Malen! Urruzuno […]