Ikasleen-berriak

Haurtzaro osasuntsu batean zein leku du jarduera fisikoak? Ideia horren bueltan ariko gara osteguneko hezkuntza eskolan. Hernaniko Hezkuntza Plataformatik, haurren osasunaren inguruan hausnartzeko tarte bat eskaini nahi dugu. Horretarako, gaur egungo datuek zer dioten aztertuko dugu, espezializazio goiztiarra eta multikirolaren arteko zalantzak argitu eta gaur egungo eskola kirolaren ereduaren indarguneak zein diren ezagutuko dugu. Hau […]

Hernani BHIko langileok, Gure Haurrak Ere Badira ekimenak zabaldutako deialdiarekin bat eginez, olibondoa landatu dugu gure eskolan. Ekintza honen bidez, Palestinarekiko elkartasuna adierazi nahi dugu, baita Israelek Gazan gauzatutako genozidioa eta Zisjordaniako palestinarren kanporatzea zein lurren lapurreta salatu ere. Gaur, maiatzaren 15ean, 78 urte betetzen dira Israelen sorreraren ondorioz 1948an ehunka mila palestinar beren lurretatik […]

Iragan maiatzaren 6an Baionan izan ginen 4. DBHko eta 1go Batxilergoko frantses ikasleekin. Goizean Atelier du Chocolat museo/lantegia bisitatu genuen. Bertan, txokolatearen ekoizpen prozesua azaldu ziguten, langileak beren zereginetan ikusi genituen eta, bukaeran, txokolate dastaketa egin genuen.  Eguraldiak ez zuen lagundu, baina oso ongi ibili ginen  

Goiz ederra izan zen maiatzaren 7koa Batxilergoko Literatura Unibertsaleko ikasleentzat, izan ere, Itxaro Borda idazlea hurbildu zitzaigun Japongo kulturan ezagunak diren HAIKUen inguruan mintzatzera. Jakin-mima piztu zigun bere jardunak, eta berak animatuta lehen urrratsak ere eman genituen poema labur baina sakonak diren “tximista” moduko horiek sortzen.    

DBH 1eko ikasle talde batek irakurri eta landu duen “Beti iparralderantz” eleberriari buruzko solasaldia eta tertulia izan zuen Jon Arretxe idazlearekin maiatzaren 6an. Ordubeteko saio interesgarri eta elkarreraginezkoa izateaz gain,  idazlea eta bere liburuak ezagutzeko parada izan genuen. Eskerrik asko, Jon!  

Leku magikoa da Peruharri eta Iñaki Perurenak lortu zuen sentipen hori transmititzea apirilaren 5ean DBH4ko ikasleekin bertaratu ginenean. Laino artean mintzatu zitzaigun iraganaz, leku eta izaki mitologikoez; etorkizunaz ere bai, berak sortutako proiektu erraldoi horretaz eta ilusioa izateak duen balioaz. Denbora gutxian asko ikasteko lekua da Peruharri.  

Apirilaren 28an Batxiler 1eko ikasleek “Mugarik Gabe” elkartearekin elkarlanean antolaturiko solasaldia izan zuten. Bertan, Dalila Argueta Honduraseko ekintzailea izan genuen eta bere komunitatean aurrera eramandako “Inversiones Los Pinares” megaproiektuaren aurkako erresistentziaren berri eman zigun. Eskerrik asko Dalila!  

Aurten ere 4DBHko Pentsamendu Konputazionala, jolasak ikasi eta irakatsi ikasgaiko ikasleak Hernaniko lehen hezkuntzako ikastetxe guztietan saio bat eskaini dute. Gure ikasleak irakasle bihurtu ditugu egun batez eta LH5eko ikasleei sistema bitarra eta algoritmoak zer diren esplikatu dizkiete jolas desentxufatuen bidez (magia bitarra, marrazki bitarrak, galdutako karta, mezu trukea,..).    Esperientzia polita izan da Hernani […]

Oihana Iguaran eta Ines Osinaga ikastetxean izan genituen apirilaren 28an saio musikatu ederra eskaintzen 4. mailako ikasleei. Kantu zaharren inguruan irakurketa kritikoa egitea proposatu ziguten, besteak beste, emakumearen irudi eta rolak berraztertzea.  

Apirilaren 15ean, Batxilergoko 1. mailako ikasleok Harkaitz Cano idazlearekin topaketa bat izan genuen. Silueta bere azken liburuaz aritu ginen beste hainbat gairen artean. Eskerrik asko Harkaitz eskeinitako topaketa interesgarriarengatik.