Orientazioa

Hezkuntza-orientazioa irakaskuntzan

Hezkuntza-orientazioa irakaskuntza-jardueran txertatutako laguntza prozesu jarraitua eta sistematikoa da. Irakasle talde osoak du laguntza prozesu honen ardura, tutorea gidari izango da eta orientatzaileak aholkularitza lana egingo du.

Orientazio planaren helburua da ikasleek beren proiektu pertsonalaren eta profesionalaren jabe izateko eta herritartasuna gauzatzeko behar dituzten funtsezko gaitasunak garatzen eta eskuratzen laguntzea.

Laguntza hori honako hiru sustraietan errotuko dugu:

  1. Orientazio akademiko eta profesionala
  2. Bizikidetza positiboaren garapena
  3. Aniztasunari eta hezkuntza-inklusioari arreta

 

TUTORETZA PLANA

Ikaslearen irakaskuntza-ikaskuntza prozesuan orientazio-laguntza sistematikoa berebizikoa da eta tutoretzaren bidez gauzatuko dugu.

Tutoretza lana familiekin, irakasle taldearekin eta ikasleekin etengabeko elkarrekintzaren bidez eramango dugu aurrera.

Ikasleekin egingo diren taldeko Tutoretza saioak eta bakarkako tutoretzak giltzarri izango dira funtsezko gaitasunak lantzeko. Besteak beste, tutoretza saioetan BIZIKASI materiala jorratuko dugu bizikidetza positiborako prebentzioa lantzeko asmoz.

Hernani BHI institutua