Ikasleen-berriak

Azaroaren 13an 2. Batxilergoko ikasleok Biteri Kultur Etxean HANDIA filma ikustera joan ginen Historia eta Euskara Mintegiek antolatutako ikuskizunera.  

Batxilergoko ikasleak azaroaren 18 eta 20an Irunen egon ginen, Irungo Harrera Sareak egiten duten lana eta migranteek bizi duten errealitatea bertatik bertara ezagutzen.

Azaroaren 21ean batxilergoko 2. mailako “Enpresa eta negozio ereduen diseinua” ikasgaiko ikasleek Gipuzkoako Farmazia Banatzaileak Eskuzaitzeta industrialdean duen egoitza bisitatu zuten. Iaz inauguratu zuten egoitza berri hau Europako moderno eta robotizatuenetarikoa da. Mila esker bertan jasotzeagatik eta zuen jakintza gurekin partekatzaegatik.

DBH 4. mailako ikasleek bere PROKO proiektuaren barruan udaletxera bisita jarduera burutu dute, bertan alkatearen harrera, eta udalaren funtzionamenduko azalpenak jaso dituzte.

Azaroaren 20an DCko ikasleak txokolate museora gerturatu ginen hain preziatua den  txokolatearen historia ezagutzera.

Atzo, Geografiako 2. Batxilergoko ikasleak Hernaniko paisaia karstikoa aztertzera atera ginen Felix Ugarte espeleologia taldekoen laguntzarekin. Iturmendi kobazuloan sartu ginen eta inguruko dolina eta beste hainbat egitura karstiko ere azaldu zizkiguten. Gelan ikasitakoa bertatik bertara egiaztatzeko aukera bikaina izan genuen!!  

Azaroaren 18an finalistak izan diren 20 taldeak eman zituen aditzera Mondragon City Challenge lehiaketako epaimahai teknikoak. Ekintzailetza kooperatiboa sustatzea helburu duen nazioarteko lehiaketa honetan, 7 herrialdetako (Alemania, Belgika, Indonesia, Tanzania, Mexiko, Kolonbia eta Espainia) 568 ikaslek (181 ekipok) hartu dute parte. Hurrengo fasera pasako direnak bi kategoriatan banatzen dira: 10 talde 16-18 urte bitartekoak eta […]

2 batxilerreko IKT ikasgaiko ikasleek “Heziketa digitala HernaniBHIn” proiektua prestatu eta praktikan jarri dute DBH 1eko gela guztietan, hala, ikasleek zibersegurtasun sentsibilizaio saio bat jaso dute. Eskerrik asko!                    

Joan den ostiralean DBHko 3. mailako Bideo Tailerreko ikasleek EITBren Miramongo instalazioak bisitatu eta telebista saio bat nola grabatzen den ikusteko aukera izan zuten.                  

Aurtengo zientzia astearen barnean, argazki geologikoen XVI. edizioan  DBHko eta Batxilerreko ikasleek parte hartu dute geologiaren edozein adarrekin erlazionaturiko argazkien bidez eta haien azalpen geologikoak idatziz. Batxilerreko modalitateari dagokionez, Hernani BHIko hiru ikaslek podiuma lortu dute azaroaren 10ean egin den Bilboko sari banaketan: aurreneko postuan Robin Beyreuther izan da; bigarren postuan Itxaso Lacadena;  hirugarrenean Enara […]