Ikasleen-berriak

Hernani BHIk Heziketa Digitalarekin bat egiten duen heinean, astebururako zuen seme-alabekin ikusteko gomendio bat doakizue: ETB2k astelehenean eskaini zuen nerabeengan sakelako telefonoen eta sare sozialen abusuak eragiten dituen ondorioei buruzko lau gertakariko serie dokumentalaren bigarren kapitulua. Animatu eta egin klik!

Iazko 2. Batxilergoko ARTEko ikasleak Donostiako Zinemaldian atzo estreinatu zen Ciento Volando dokumentalera gonbidatuak izan dira. Esperientzia polita izan da beraiekin berriro elkartzea. Eskerrik asko!  

Ikasturteko lehen egunetan, DBH1eko ikasleek elkar ezagutzeko kohesio jardueretan parte hartu dute. Horien artean, Oronan, hainbat jolas kooperatibo egin dituzte.

Aurten ere, Urruzuno literatur lehiaketa ospatu dute eta gure ikastetxeko ikasle batek saria lortu du. Jasone Osoro idazle eta kazetariak gidatuta, Lakuako egoitzan egindako ekitaldian, hogei bat neska-mutilek jaso dituzte sariak —ekitaldira sarituen senideak eta ikastetxeen ordezkariak ere bertaratu dira—. Gure ikasle Malen Urkizuk B prosa ataleko saria eskuratu du, Artasoroa izeneko idazlanarekin. Zorionak, Malen! Urruzuno […]

Ongi etorri 2024-2025 ikasturtera! Kurtso berria hastear dugu. Espero dugu indarberrituta etortzea. Aurkezpenak irailaren 6an, ostirala, egingo ditugu. Ondorengo taulan duzue maila bakoitzari dagokion ordutegia eta tokia.

Jatorkin Al Nahda elkarteak antolatzen duen ekitaldia da, magrebiar etorkinei errekonozimendu eta sari banaketa egin diete. Gure eskolatik Lhoucine Elbanane-k 4.DBHko titulua lortzeagatik diploma eta sari banaketa izan du ekainaren 28an.  

Ekainaren 21ean, Chillida Lekun ospatu zen Solstizioan, 2. Batxilergoko ARTEko ikasleek parte hartu zuten “Polaroid festa” eginez: bertaratutako publikoari argazkiak atera eta Chillida Lekuko txokorik gogokoena eta honek iradokitzen dien hitz bat idatzi zuten. Guztia panel batean itsatsi zuten.      

Amaitu da ikasturtea. Sanjoanak ate joka ditugu eta uda aurrean!

Bigarren Batxilergoko ikasleek bukatu dute beren bigarren hezkuntzako etapa. Ekainaren 13an egin zitzaien agurra. Zorionak denoi!  Eta orain, indarberritu, gozatu eta heldu etorkizunari! Eta nahi duzuenean, bisitan etorri.

4 DBHko ikasleei ekainaren 13an egin zitzaien agur ekitaldia.  Batzuk hemen ikusiko ditugu datorren urtean ere, beste batzuk, aldiz, beste ikastetxe batzuetan jarraituko dituzte beren ikasketak. Zorionak denoi eta eutsi gogoz zuen bideari!