Berriak

Joan den urriaren 4an Hernani BHIko irakasle eta ikasle batzuk Hernaniko Kale Literaturako partaiden artean izan ginen MUGAK kale ikuskizunean parte hartuz Mugaldekoak  musika taldekoekin batera. Eguraldiak lagundu ez arren, gustura aritu ginen literaturzaleon artean.

DBH1eko ikasle guztiok, ikasturte hasieran landutako kohesioari jarraituz, tutore eta hainbat irakaslerekin batera, hiru egun pasa ditugu Arantzako Irrisarri Land natur parkean; primeran pasa dugu, hainbat tirolina, zuhaitzen jolas eta gau-belak eginez. Gustura etorri gara guztiok. Merezi izan du esperientziak. Aupa gu!!!!

Irailaren 25ean, asteazkena, Zereginen Ikaskuntzarako Gelako ikasleak “Un fantasma en la batalla” filmaren prentsaurrekoan egon ziren, Kursaalen. Oso esperientzia interesgarria izan zen aretoko giroa zuzenean bizi ahal izatea eta komunikabideen aurrean zuzendaria eta aktoreak bertatik bertara entzutea.

BATX 1 Harrera Agustin Iturriagako liburutegian egingo da Zuzendaritzako kide, tutore eta Berrikuntza Arduradunen eskutik. Ondoren, familiak zuen seme-alaben tutorearekin elkartuko zarete, dagokizuen gelan, eraikineko hirugarren solairuan. BATX 2 Harrera Agustin Iturriagako liburutegian egingo da Zuzendaritzako kide eta tutoreen eskutik. Ondoren, familiak zuen seme-alaben tutorearekin elkartuko zarete, dagokizuen gelan, eraikineko hirugarren solairuan.  

Ekainean Euskal Herriko mapak eta bertsoa jarri genituen institutuko eraikuntza bakoitzaren sarreran, eta baita Hernaniko beste ikastetxeetan ere, GuGeok egitasmoaren baitan. Gerturatu eta abestu bertsoa gurekin!  

Martxan da TXILL TXOKOA Santa Barbara eraikinean! Iaz 1Bko ikasleek Artaziak eta Juntura kooperatibetako kideek bideraturik, ikastetxerako Ongizate Gela sortu zuten. TXILL TXOKOA gorputzentzako eta ikasleen ongizaterako leku bat da, minak arintzeko, antsietate-krisiak laguntzeko, ondoezak txikiagotzeko, estresa murrizteko… Era berean, prebentzio-leku gisa ulertzen da, identifikatzeko nola gauden, nola sentitzen garen… Azken batean, nor bere buruaz […]

DBH 1, DBH 2 eta DBH 3 Harrera Santa Barbarako gimnasioan egingo da, Zuzendaritzako kide, tutore eta Berrikuntza Arduradunen eskutik, DBH1n. Ondoren, familiak zuen seme-alaben tutorearekin elkartuko zarete, dagokizuen gelan. DBH 4 Harrera Agustin Iturriagako liburutegian egingo da, Zuzendaritzako kide eta tutoreen eskutik. Ondoren, familiak zuen seme-alaben tutorearekin elkartuko zarete, dagokizuen gelan.   Gela Egonkorra  […]

Hernani BHIren izenean Europa mailako kristalografiako bideorik onenaren saria jaso dugu, eta aurreneko postuan, gainera, Batxiko modalitatean.  Gure ikastetxea Europan kokatu dugu eta 2024-2025 ikasturtean Kultura Zientifikoan, eta batez ere Geologian, aritu ziren ikasleen lana dago atzean, beraz zoriontzekoa da jarritako ilusioa, motibazioa eta esfortzua.  

Ikasleak lehenengo mailara ikastetxe desberdinetatik etorri direnez, elkar ezagutzeko, astelehenetik ostegunera, lehen bi saioetan kohesioa landu dugu hainbat jarduera eginez. Horrez gain, ostiralean goiz pasa Oronara joan gara denok batera eta bertako jolas-gunean ginkana egin dugu. Elkar ezagutzen jarraituko dugu ikasturte osoan zehar. Animo guztioi eta ongi etorriak!    

Bekak eskatzeko aukera zabalik dago. Eskaera-epea: 2025eko abuztuaren 9tik urriaren 6ra. Informazio gehiago ondorengo loturan duzue: https://www.euskadi.eus/unibertsitatez-kanpoko-ikasleak-eskolatzeko-ikasketa-beka-eta-laguntzak/web01-a2hikasl/eu/