Ikasleen-berriak

Egutegia Kontsultatu ohiko deialdiaren datak Ordutegiak Kontsultatu azterketen ordutegiak Epaimahaia

Euskal Herriko Unibertsitateak eta bereziki Geologia sailak antolatzen duen aurtengo kristalizazio lehiaketaren bederatzigarren edizioan, saria jaso dute Kultura Zientifikoko (1.batx) ikasleek. Muntaia eta kristalik onenaren sari berezia ekarri dute ikastetxera.  Pozik eta harro ikasturtean zehar egindako lan txukunarekin eta EHUn epaimahaiaren aurrean egindako defentsarekin!!!! Zorionak!!!

Asteazkenean Hernani BHI-ko ikasleak, Hernaniko beste eskoletako ordezkariekin batera, Udaleko udalbatzar aretoan izan ginen Eskola Agenda 2030eko Udal Foroan, ikasturtean zehar egindako ikerketen ondorio eta konpromisoak aurkezten. Bertako nondik norakoak irakur daitezke udaletxeko weborrian. Bertan aurkeztu genuen txostena eta konpromisoen dekalogoa ere eskuragarri dituzue.  Datorren ikasturtean, aurten egindako diagnostikoa oinarri hartuta, Hernanin mugikortasuna jasangarriagoa izateko ekintzak gauzatuko ditugu. […]

Asteartean 11ENTZUTEKO programan gure ikasleek parte hartu zuten. Klaudio Landak gidatzen duen egunerokotasuneko programa da hau. Bertan gure ikasleak publiko gisa parte hartu zuten.

DBH 2ko ikasleak maiatzaren 5etik 9rako astean, taldeka, Zuhatzako irlan izan dira.  Lehenengo hiru egunetan eguraldi txarrari aurre eginez ur-jolasekin hainbeste gozatu ez badute ere, azken hiru egunetarako joan direnek, giroak lagunduta, disfrutatzeko aukera ederra izan dute. Animo guztiei!

Euskaraldia bertan dugula, ilusioz egingo diogu harrera ikastetxeko kide guztiok, ilusioz euskaraz bizi eta gozatzeko, “ahotik belarrira” euskaraz aritzeko.  

DBH3 eta DBH4. mailako hainbat ikasle Kronikan izan dira bertako errealitatea ezagutzeko asmoz. Benetan bisita aberasgarria izan da.  

Zumaiako Flyscha ardatz hartuta, maiatzaren 6an, Biologia eta Geologia ikasgaiko4.DBHko ikasleek, irteera geologikoa izan zuten. Eguraldiak gehiegi lagundu ez arren, gogoz aritu ziren ibilbide osoan zehar. Euskal Herriko altxor geologiko honek mundu mailan duen garrantziaz ohartzea, paisaia zoragarriaz gozatzea eta ikasketa esanguratsu bat gauzatzea, izan dira irteera honen helburuak.

Proiektu Komunitarioaren ikasgaiaren baitan, DBH 4ko ikasleak Hernaniko lehen hezkuntzako ikastoletan bisitak egiten jarraitu dute oporren bueltan eta esperientzia aberasgarria izan da. Gure ikasleek ipuinak irakurtzen dizkiete HH5eko eta LH1eko ikasleei eta karetak margotzen amaitzen dute saioa. Hurrengo urtean berriro hortxe izango gara. Mila esker parte hartu duten guztiei!

Apirilaren 9an, asteazkenean, marokoar gazte bat eta Siriako neska bat etorri ziren Loiolaetxa elkartetik, haien migrazio-testigantza gurekin partekatzeko. Ondoren, haiekin hamaiketako partekatzeko aukera izan genuen, eta apur bat gehiago elkar ezagutu genuen. Eskerrak eman nahi dizkiogu Loiolaetxeari topaketa hau posible egiteagatik.