Berriak

Udaberriari ongi etorria emateko eta eguraldi ederraz gozatzeko Santa Barbara ermitara igo gara ZIG gelako ikasleak.

Batxilergoan aurrematrikulatzeko epea zabaldu du Eusko Jaurlaritzako Hezkuntza Sailak. Martxoaren 31tik apirilaren 11ra Hezkuntzaren webgunean eman daiteke izena. Hernani BHI gertuko institutu publikoa da, anitza eta euskalduna, ikasleen ongizatea ardatz duena. Animatu zaitez ikasbideak elkarrekin eraikitzen!

2025-2026 ikasturteko aurrematrikula gerturatzen ari den honetan, Batxilergoko ikasleen familiei zuzendutako ate irekiak egingo ditugu ikastetxean. Hernaniko institutua bertatik bertara ezagutu nahi baduzu, etor zaitez martxoaren 24an gurera. Agustin Iturriagako liburutegian egongo gara zure zain, 18:00etatik aurrera. Laster arte!  

Martxoaren 17an DBHko 3. mailako ikasle eta irakasleok Goierrin izan ginen, eskualde hura hobeto ezagutzeko asmoz. Bi lekutan izan ginen zehazki: Barandiaran museoan —bertako errota martxan ikusteko parada izan genuen—, eta Lazkao Txiki bertsolari ezaguna bizi izandako Abelin-zahar baserrian. Ikasleen ahotan luxua dela halako baserri bat barrutik ezagutzea, eta zer esanik ez, bertsolariaren ilobak gidari […]

Joan den martxoaren 12an Itxaro Borda izan genuen gurekin egun pasa. Goizean ongi etorria eman genion txokolatea janez elkarrekin, ondoren Agustin Iturriagako liburutegian Literatura Unibertsaleko  ikasleei “Haiku” poesia tailerra eman zien, ondoren bazkari goxoa izan genuen, eta bukatzeko, Hernaniko Kaxkoan bixita gidatua izan genuen. Egun ederra pasatu genuen idazle baionarrarekin. Eskerrik asko Itxaro!

Proiektu Komunitarioaren ikasgaiaren baitan, DBH 4ko ikasleak astero Hernaniko Eguneko Zentrora bisitak egiten hasi dira eta esperientzia polita izaten ari da. Bertara gerturatu ahala, talde txikitan banatu dira eta beraiekin solasean aritu dira, txikitako oroitzapenez hitz egiten, besteak beste. Ondoren, zenbait jolas egin dituzte. Bi aldeetatik balorazio positiboa egin da. Eguneko Zentroko erabiltzaileak pozik zeuden […]

Batxilergoko 1. mailako Ekonomiako ikasleak Galarretan dagoen Orona Ideo bisitatu zuten. Euskal kooperatibismoaren eredu garrantzitsua da eta nazioartean garrantzia handikoa, 100 herrialde baino gehiagotan dagoelarik.  Mila esker bertan jasotzeagatik eta zuen jakintza gurekin partekatzeagatik.

2. Batxilerreko Anatomia-Fisiologiako ikasleek hainbat praktika egin dituzte ikasturtean zehar. Hemen isolamendu-praktikarako duela bost urte pandemia garaian hain famatuak egin ziren EPI-ak janzten eta eranzten ikus ditzakegu.