Berriak

Orientazio mintegiak webgune berria egin du eta bertan mailaz maila informazio eguneratua aurkituko duzue. Tutoretza Plana, Bizikidetza Positiboa eta Orientazio Akademiko eta Profesionala, besteak beste, izango dira webgunearen ardatz. Webgunean bertan, Zerbitzuak atalean, Orientazioa azpiatalean aurkituko gaituzu. Zuzenean sartu nahi izanez gero, hona hemen lotura. ORIENTAZIOA GUREAN Klik egin eta saltseatu!  

Azaroaren 29an, DBH 2ko ikasleok Txuri Urdinera joan ginen patinatzera, Heziketa Fisikoko mintegiak antolatuta. Ederki pasa genuen.    

Azaroaren 26an 1.  eta 2. Batxilergoko ikasleok Biteri Kultur Etxean MIÑAN antzerkia ikustera joan ginen Euskara Mintegiak antolatutako ikuskizunera.  

Azaroaren 13an 2. Batxilergoko ikasleok Biteri Kultur Etxean HANDIA filma ikustera joan ginen Historia eta Euskara Mintegiek antolatutako ikuskizunera.  

Batxilergoko ikasleak azaroaren 18 eta 20an Irunen egon ginen, Irungo Harrera Sareak egiten duten lana eta migranteek bizi duten errealitatea bertatik bertara ezagutzen.

Azaroaren 21ean batxilergoko 2. mailako “Enpresa eta negozio ereduen diseinua” ikasgaiko ikasleek Gipuzkoako Farmazia Banatzaileak Eskuzaitzeta industrialdean duen egoitza bisitatu zuten. Iaz inauguratu zuten egoitza berri hau Europako moderno eta robotizatuenetarikoa da. Mila esker bertan jasotzeagatik eta zuen jakintza gurekin partekatzaegatik.

DBH 4. mailako ikasleek bere PROKO proiektuaren barruan udaletxera bisita jarduera burutu dute, bertan alkatearen harrera, eta udalaren funtzionamenduko azalpenak jaso dituzte.

Azaroaren 20an DCko ikasleak txokolate museora gerturatu ginen hain preziatua den  txokolatearen historia ezagutzera.

Atzo, Geografiako 2. Batxilergoko ikasleak Hernaniko paisaia karstikoa aztertzera atera ginen Felix Ugarte espeleologia taldekoen laguntzarekin. Iturmendi kobazuloan sartu ginen eta inguruko dolina eta beste hainbat egitura karstiko ere azaldu zizkiguten. Gelan ikasitakoa bertatik bertara egiaztatzeko aukera bikaina izan genuen!!  

Azaroaren 18an finalistak izan diren 20 taldeak eman zituen aditzera Mondragon City Challenge lehiaketako epaimahai teknikoak. Ekintzailetza kooperatiboa sustatzea helburu duen nazioarteko lehiaketa honetan, 7 herrialdetako (Alemania, Belgika, Indonesia, Tanzania, Mexiko, Kolonbia eta Espainia) 568 ikaslek (181 ekipok) hartu dute parte. Hurrengo fasera pasako direnak bi kategoriatan banatzen dira: 10 talde 16-18 urte bitartekoak eta […]