Berriak

Astebetez, zaintza izango da protagonista! Hernani Burujabek antolaturiko ZAINTZALDIA egitasmoa ikastetxera ekarriko dugu GELA ZAIN dinamikaren bidez. Helburua? Gazteak ikasgelako zaintzaren eragile aktibo bihurtzea, modu sinple eta esanguratsuan. Zertan datza GELA ZAIN dinamika? Zaintza komunitarioaren bueltan ardaztutako aste bateko jarduera da. DBH 1 eta 2ko gazteek “Gelazain” figuraren txapa jantziko dute eta egunerokoan besteen zein […]

1.Batxilergoko IKTko ikasleak erronka bati aurre egiten, ordenagailu bat desmuntatzen eta muntatzen.         

Gure eskualdean zientziaren garrantzia kokatu dugu eta Bergara izan da, Elhuyar anaiekin batera, hortara bideratu gaituena.  1.batxilergoko ikasleek, Laborategi Teknikak eta Kultura Zientifikoa hautatutako ikasleek, hain zuzen, zientziaren bilduma ikusteaz gain, Bergarako eraikin eta pertsonaia historikoak kokatu dituzte, laborategian egindako hainbat esperimentu tartean izan direlarik.  

Aurreko urteetan bezala, Batxi 2ko ikasle batzuk urriaren 16an, Pedro Miguel Etxenikek gidatutako top@DIPC Zientziarekin solasean! ekitaldiaren XV. edizioan izan dira.  Topaketa Eureka zientzia museoan izan da, eta ikasleek aukera aparta izan dute puntako zientzialariekin harremanetan jartzeko. Argazkian Pedro Miguel Etxenikerekin   

Joan den urriaren 4an Hernani BHIko irakasle eta ikasle batzuk Hernaniko Kale Literaturako partaiden artean izan ginen MUGAK kale ikuskizunean parte hartuz Mugaldekoak  musika taldekoekin batera. Eguraldiak lagundu ez arren, gustura aritu ginen literaturzaleon artean.

DBH1eko ikasle guztiok, ikasturte hasieran landutako kohesioari jarraituz, tutore eta hainbat irakaslerekin batera, hiru egun pasa ditugu Arantzako Irrisarri Land natur parkean; primeran pasa dugu, hainbat tirolina, zuhaitzen jolas eta gau-belak eginez. Gustura etorri gara guztiok. Merezi izan du esperientziak. Aupa gu!!!!

Irailaren 25ean, asteazkena, Zereginen Ikaskuntzarako Gelako ikasleak “Un fantasma en la batalla” filmaren prentsaurrekoan egon ziren, Kursaalen. Oso esperientzia interesgarria izan zen aretoko giroa zuzenean bizi ahal izatea eta komunikabideen aurrean zuzendaria eta aktoreak bertatik bertara entzutea.

BATX 1 Harrera Agustin Iturriagako liburutegian egingo da Zuzendaritzako kide, tutore eta Berrikuntza Arduradunen eskutik. Ondoren, familiak zuen seme-alaben tutorearekin elkartuko zarete, dagokizuen gelan, eraikineko hirugarren solairuan. BATX 2 Harrera Agustin Iturriagako liburutegian egingo da Zuzendaritzako kide eta tutoreen eskutik. Ondoren, familiak zuen seme-alaben tutorearekin elkartuko zarete, dagokizuen gelan, eraikineko hirugarren solairuan.  

Ekainean Euskal Herriko mapak eta bertsoa jarri genituen institutuko eraikuntza bakoitzaren sarreran, eta baita Hernaniko beste ikastetxeetan ere, GuGeok egitasmoaren baitan. Gerturatu eta abestu bertsoa gurekin!  

Martxan da TXILL TXOKOA Santa Barbara eraikinean! Iaz 1Bko ikasleek Artaziak eta Juntura kooperatibetako kideek bideraturik, ikastetxerako Ongizate Gela sortu zuten. TXILL TXOKOA gorputzentzako eta ikasleen ongizaterako leku bat da, minak arintzeko, antsietate-krisiak laguntzeko, ondoezak txikiagotzeko, estresa murrizteko… Era berean, prebentzio-leku gisa ulertzen da, identifikatzeko nola gauden, nola sentitzen garen… Azken batean, nor bere buruaz […]